---

Brain Ghetto започнаа со работа 1996 во Прилеп, Македонија. Прилеп ви е едно мало провинциско гратче и да се направи нешто вакво во него е доста тешко. Заеби сега, не сакам овде да се жалам, но мислам дека баш тоа и влијаеше на многу од нашите песни. Почнавме да вежбаме и сами да правиме свирки, и така дотуркавме до првото демо издание „Live & Sober“ 1998, кое беше „илегално“, но луѓето го слушаа. Работевме после тоа доста концерти низ Македонија. Во 2002 го издадовме сплит CD(-R) со бендот Disgruntled од Малезија, со име „Control“. Ова издание помина доста добро, иако и не се потрудивме којзнае колку околу неговата презентација и дистрибуција, а и не дека тоа има врска! Добивме доста добри рецензии по некои странски и домашни фанзини.
Никогаш не баравме некои „сериозни“ издавачки куќи, а нема да ги бараме ни во иднина, зашто за нас музичката индустрија ја уништува искреноста и бунтовноста на панк-рокот и сето тоа го претвара во пари!... А, да! уште и ова: ниту на ум не ни паѓа да станеме „професионален“ бенд па да си расипеме се што ни е убаво околу Brain Ghetto!!! Нашиот начин на работа беше и се надевам ќе остане DIY.
Звукот кој го даваме се движи околу punk/crust/hardcore со звучни примеси на постар панк-рок, сепак освежени со понови рифови, плус на сето тоа звучни примеси од се друго што слушаме. Ритамот е брз, бескомпромисен. Сепак ритмовите остануваат да ви се мотаат низ главата и после слушањето. Текстовите се бескомпромисни, анархо, анти-авторитарни, анти-милитаристички, слободарски, политички, социјални и го одразуваат нашиот став спрема светот, заедницата итн. Значи, нашите текстови никако не се тука само за да ја надополнат музиката!
А, еве и што другите мислат за нас:
„...incredibly pissed off hardcore crust with a message... they have infectious and catchy beats that are bound to get stuck in your head“ - Profane Existence.

Членови:
Сабат - тапани,
Боби - бас гитара,
Амбар - гитара и вокали.

Song:

ДОСТА
Доста е војни, доста уништување. / Лажни симболи и братоубивање. / Доста е војни, доста уништување. / Да водиме војна за нивно укинување!